Faa`iidada Ay Leedahay Saliid Saytuuntu

Kalsoonida Caafimaad Ee Ay Leedahay Ku Darsashada Saliidda Saytuunka Quraacda Maalin kasta:

Saliidda saytuunka waa mid ka mid ah saliidaha ugu qiimaha badan ee dabiiciga ah, oo laga helo geedka saytuunka.

Waxay hodan ku tahay nafaqooyin badan sida asiidho duxeed, faytamiinno muhiim ah, dufanno caafimaad leh, iyo maaddooyin ka hortaga infekshannada iyo bararka. Cunto ahaan, saliidda saytuunka waxaa loo isticmaalaa in lagu kariyo, lagu saliidayo, ama si toos ah loogu daro cuntada, gaar ahaan quraacda.

Ku darsashada saliidda saytuunka quraacda maalin kasta waxay leedahay faa’iidooyin caafimaad oo tiro badan oo jidhka u wanaagsan.

1. Kor u Qaadida Shaqada Dheefshiidka iyo Xiidmaha

Saliidda saytuunka waxay door muhiim ah ka ciyaartaa hagaajinta habka dheefshiidka.

Marka lagu daro quraacda, waxay si toos ah u xoojisaa dhaqdhaqaaqa xiidmaha iyo habka caloosha, taasoo ka hortagta calool istaagga iyo dhibaatooyinka kale ee dheefshiidka.

Dadka la ildaran calool istaagga ama xiidmaha oo shaqadoodu hooseyso waxay ka faa’iideysan karaan isticmaalka saliidda saytuunka maalin kasta si ay u helaan dheefshiid fiican iyo xiidmo caafimaad leh.

2. Qurxinta Maqaarka iyo Timaha

Saliidda saytuunka waxa ku jira antioxidants iyo maaddooyin nafaqo leh oo ka dhigaya maqaarka mid jilicsan, dhalaalaya, iyo caafimaad qaba.

Waxa kale oo ay taageertaa caafimaadka ciddiyaha iyadoo ka ilaalisa inuu dillaaco ama jabo.

Timaha, saliidda saytuunka ayaa jilcisa isla markaana ka dhigta kuwo madow iyo caafimaad qaba, waxayna ka hortagtaa duxista iyo timaha oo daciifa. Isticmaalka joogtada ah ee saliidda saytuunka, gaar ahaan quraacda iyo cuntada kale, waxay ka caawisaa in maqaarka iyo timuhu helaan nafaqo joogto ah.

3. Nadiifinta Beerka iyo Hagaajinta Shaqadiisa

Beerka waa xubin muhiim ah oo kaalin weyn ka qaadata nadiifinta jirka sunta iyo waxyaabaha waxyeellada leh.

Saliidda saytuunka ayaa la sheegay inay ka caawiso beerka in uu si fiican u shaqeeyo, isla markaana uu si wanaagsan uga saaro sunta jirka ku ururta.

Waxa lagu talinayaa in maalin kasta, gaar ahaan quraacda, la cabo sharaab liin dhanaan lagu daray oo ay ku jirto hal ilaa laba qaado oo saliid saytuun ah, taasoo ka caawinaysa beerka in uu nadiifiyo jirka.

Haddii beerku si wanaagsan u shaqeeyo, waxay taasi keentaa caafimaad guud oo wanaagsan.

4. Ka Hortagga Miisaanka oo Kordha

Saliidda saytuunka waxay hodan ku tahay asiidho duxeed oo ah nooca dufanka caafimaadka leh.

Asiidhadani waxay ka hortagaan in dufanka kolestaroolka waxyeellada leh ku uruuro jidhka.

Sidoo kale, waxay kaa caawiyaan inaad dareento dhereg dheeraad ah, taasoo kaa dhigaysa inaad yareyso qadarka cuntada aad qaadanayso, sidaasna miisaankaaga looga hortago inuu si aan habboonayn u kordho.

Marka la joogteeyo isticmaalka saliidda saytuunka, gaar ahaan quraacda, waxaa fududaanaysa in la ilaaliyo miisaanka oo caafimaad qaba.

5. Xoojinta Habdhiska Difaaca Jirka

Jidhka bini’aadamka waxa uu leeyahay nidaam difaac oo dabiici ah oo ka hortaga cudurrada iyo infekshannada.Saliidda saytuunka waxay ka buuxdaa asiidhyo amino iyo maaddooyin ka hortaga oksidhsinka, kuwaas oo xoojiya nidaamka difaaca jirka. . Sidaas awgeed, qofka isticmaala saliidda saytuunka maalin kasta wuxuu jidhkiisu noqdaa mid u adkeysan kara cudurrada kala duwan, gaar ahaan xilliyada isbeddelka cimilada iyo xaaladaha sababi kara in jidhku jilco.

6. Caafimaadka Wadnaha

Mid ka mid ah faa’iidooyinka ugu muhiimsan ee saliidda saytuunka waa kor u qaadista caafimaadka wadnaha. Saliidda saytuunka waxay sare u qaadaa kolestaroolka faa’iidada leh (HDL), taasoo ka caawisa in xididdada dhiigga ay noqdaan kuwo caafimaad qaba oo si fudud u wareegaya dhiigga. Sidoo kale, waxay yaraysaa heerka kolestaroolka LDL-ga ee waxyeelada leh, taasoo ka hortagta cudurrada wadnaha iyo xididdada dhiigga. . Isticmaalka joogtada ah ee saliidda saytuunka wuxuu yareeyaa halista cudurrada wadnaha sida istaroogga iyo wadne xanuunka.

7. Ka Hortagga Kaarjebinta iyo Yaraynta Qandhada

Daraasado ayaa muujiyey in qaadashada 1-2 qaado oo saliid saytuun ah ay la mid tahay ama u dhiganto xanuun baabi’iyaha caanka ah ee Ibuprofen.

Taas macnaheedu waa in saliidda saytuunka ay leedahay awood dabiici ah oo yareysa xanuunka iyo bararka jirka. Sidaas darteed, waxaa lagu talinayaa in qofka marka uu dareemo xanuun ama qandho yaryar uu isticmaalo saliidda saytuunka si loo yareeyo calaamadahaas.

8. Kordhinta Caafimaadka Maskaxda

Saliidda saytuunka ayaa sidoo kale taageerta caafimaadka maskaxda.

Waxay ka hortagtaa hoos u dhaca awoodda fahamka iyo garashada oo ku yimaada qofka marka uu weynaado.

Waxa kale oo ay xoojisaa xusuusta iyo diiradda, isla markaana ka hortagtaa xaaladaha nafsiga sida qulubka iyo walwalka.

Taas waxay muhiim u tahay dadka waaweyn iyo

kuwa doonaya inay maskaxdooda ku hayaan firfircooni iyo caafimaad.

9. Xakameynta Sonkorta Dhiigga

Saliidda saytuunka waxay door ka ciyaartaa in la yareeyo heerka sonkorta dhiigga, taasoo ka dhigaysa mid faa’iido u leh dadka qaba macaanka (diabetes).

Si kastaba ha ahaatee, dhakhaatiirta ayaa dadka qaba macaanka uga digaya inay si xad dhaaf ah u isticmaalaan,

maadaama ay tahay in si taxaddar leh loo maareeyo isticmaalka saliidda saytuuntu waxay ka mid tahay daawooyinka yareeya kor ukaca dhiiga

Gunaanad

Ku darista saliidda saytuunka quraacda maalin kasta waa hab dabiici ah oo caafimaad loogu dhisi karo.

Waxay gacan ka geysataa yareynta bararka jirka,

taageeridda caafimaadka wadnaha, hagaajinta nidaamka dheefshiidka, iyo xoojinta awoodda difaaca jirka.

Sidoo kale, saliidda saytuunka waxay leedahay antioxidants xooggan oo ka hortaga cudurrada iyo dhaawaca unugyada.

Isticmaalkeeda joogtada ah ayaa sidoo kale ka caawinaya dadka inay ilaashadaan miisaankooda, helaan maqaarka iyo timaha caafimaad qaba, iyo inay maskaxdooda ka ilaaliyaan xaaladaha caafimaad ee da’da la xiriira. Marka la soo koobo, saliidda saytuunku waa

"daraasad dabiici ah oo caafimaadkaaga kor u qaadaysa"

oo laga dhaxli karo faa’iidooyin caafimaad oo ballaaran haddii si habboon loo isticmaalo.

Waxaa lagu talinayaa in qof walba uu qayb ka dhigo cuntadiisa maalinlaha ah, gaar ahaan quraacda,

si loo helo natiijooyinka ugu wanaagsan.

Qoraaga abdifatah