QISADA LUQMAN AL-XAKIIM
.png)
Luqmaan Al-Xakiim wuxuu ahaa nin Alle ka cabsaday oo asal ahaan kasoo jeeda dhulka Suudaan. Inkastoo muuqaalkiisu ahaa mid sahlan, haddana Ilaahay wuxuu siiyay garaad qoto dheer iyo xikmad aad u weyn. Qur’aanka kariimka ah ayaa lagu xusay, isagoo ah tusaale ku dayasho mudan. Wuxuu lahaa wiil uu jeclaa, kaasoo uu mar walba la dardaarmi jiray si xigmadeysan, isagoo baraya aqoonta iyo akhlaaqda suuban.
Waxaa jiray maalin uu Luqmaan wiilkiisa ula yeedhay si uu ugu dhiibo xikmad iyo talooyin nolosha anfaca.
"Yaa bunayya, laa tushrik billaah, innash-shirka la-zulmun 'athiim."
“Wiilkaygiyow, Ilaahay cidna ha la wadaagin, shirkigu waa denbi aad u culus oo aan laga cafin si fudud.”
Wuxuu sii waday waanadiisa, isagoo u sheegay in xitaa haddii camal uu yahay sidii sinjiri dhagax ku jira, Ilaahay wuu keeni doonaa.
Wuxuu kale oo ku waaniyay:
Inuu tukado (salaadda),
U sabro dhib kasta oo la kulmo,
Uusan kibir yeelan,
Hadalkiisa dhexdhexaad ka dhigo,
Socodkiisana uusan noqon mid isla weyn.
Luqmaan wuxuu ahaa nin shaqo adag leh. Waxaa la yiraahdaa, wuxuu ka shaqayn jiray qoryo goyn iyo iibin, isagoo aan u jeedin hanti ama mansab. Mar uu la hadlay sayidkii iska lahaa, ayuu u sheegay in xikmadu aysan ku jirin maal, balse ay tahay hadal iyo akhlaaq wanaag.
Waa la isweydiiyay: “Sidee baad ku noqotay nin xikmad leh?”
Wuxuu ku jawaabay: “Anigu waxaan bartay inaan run sheegto, aamin ahaado, oo aan hadalka dheeraanin.”
Luqmaan wuxuu dhaxal u reebay dad badan: in xigmadu tahay hibo Ilaahay bixiyo, balse qof walba ku kasban karo akhlaaqda wanaagsan iyo cibaadada.
DULUCDA QISADA
Dulucda sheekadan waxay ku saabsan tahay xikmad, akhlaaq, iyo cibaado. Luqmaan al-Xakiim wuxuu leeyahay talooyin muhiim ah oo ku saabsan nolosha, kuwaas oo ka tarjumaya:
Tawheed: Luqmaan wuxuu carabka ku adkeeyay muhiimada ah in Ilaahay la wadaagin, isagoo ka digaya shirkiga, taas oo ah denbi weyn.
Dhaqan Wanaagsan: Wuxuu wiilkiisa farayaa in uu noqdo mid dulqad leh, deggen, oo aan noqon qof isla wayn. Tani waxay cadaynaysaa in dhaqanka wanaagsan ay ka mid tahay hannaanka nolosha.
Shaqo Adag: Luqmaan wuxuu tusaale u yahay qof aan raadin hanti ama mansab, balse ku dadaala shaqadiisa iyo daacadnimadiisa. Tani waxay muujinaysaa in shaqada adag ay tahay dariiq lagu gaari karo guul.
Xikmad iyo Cibaado: Xikmaddu waxay ka timaadaa run sheegid, aamin ahaansho, iyo in la raaco dariiqa cibaadada. Luqmaan wuxuu caddeeyaa in xikmaddu ay tahay hibo, laakiin qofkasta uu ku kasban karo.
DHAMAAD........
Qoraa Abdifatah jangeli...
Comments