Saamaynta Xun Ee Baraha Bulshada.

The Dark Side Of Social Media ( Saamaynta Xun Ee Baraha Bulshada ) 

Isticmaalka baraha bulshada wuxuu si weyn ugu milmay nolol maalmeedkeena.

. waxay noo fududeeyeen xiriirka, waxbarashada, iyo madadalada, laakiin waxa sidoo kale leeyihiin dhinac mugdi ah oo saamayn taban ku leh dad badan. 

Maxay tahay saamaynta xun ee social media. 

Isbarbardhigga Nolosha Dadka Kale (Comparison Culture) 

Dad badan waxay la kulmaan niyad-jab maxaa yeelay waxay baraha bulshada ku arkaan nolol kaamil ah oo dadka kale la wadaagaan.  

Waa sahal in la dareemo in noloshaada aysan la mid ahayn tan dadka kale, xitaa haddii waxa aad arkayso aysan run ahayn. 

Saameynta Xun ee Kalsoonida Nafta (Self-Esteem Issues) 

Social media waxay dadka ku riixdaa fikradda ah in qofka quruxdiisa, guushiisa, iyo noloshiisa lagu cabbiro likes, comments, iyo followers.

Qofka wuxuu dareemayaa in haddii uusan helin interaction badan, uu yahay qof aan muhiim ahayn. 

Dad badan waxay dareemaan in ay ka dambeeyaan waxyaabaha muhiimka ah maxaa yeelay waxay arkaan dad kale oo wax xiiso leh sameynaya. 

Taas waxay sababtaa walwal joogto ah iyo niyad-jab. 

Fake Happiness & Toxic Positivity (Farxad Been-Abuur Ah iyo Dhiirrigelin Been Ah) 

Dadka intooda badan ma wadaagaan dhibaatooyinkooda ama waqtiyada adag. Waxay kaliya soo dhigaan sawirro qurux badan iyo farxad. 

Tani waxay dadka kale ku riixdaa in ay dareemaan in farxadoodu aysan dhameystirneyn. 

Walbahaarka Bulshada iyo Hoos-u-dhaca Xiriirka Tooska ah ee Dadka

Baraha bulshada waxay yareeyaan wagtiga dadku si toos ah iskula kulmaan. 

Tani waxay keentaa in dad badani la kulmaan dhibaatooyin xagga xiriirka bulsho iyo kalsoonida la hadalka dadka kale.

Addiction (Dib Ugu Xirnaanta Joogtada Ah)  

TikTok, Instagram, iyo Snapchat waxay isticmaalaan algorithms si ay dadka ugu sii hayaan muddo dheer. 

Waqti badan oo la bixiyaa baraha bulshada wuxuu keenaa in waxyaabaha muhiimka ah ee nolosha dib loo dhigo. 

 Misinformation iyo War Been Abuur Ah (Fake News & Misleading Content) 

 Baraha bulshada waxaa buux dhaafiyey warar aan la xaqiijin, taasoo keeni karta cabsi, jahawareer, iyo waxbarsho qaldan

Sidee Looga Fogaadaa Saamaynta Xun ee social media? 

Is xakamee - Isku day in aad waqti xaddidan u sameyso isticmaalka social media, si aad uga hortagto addiction. 

Is xasuusi in dadku kaliya muujiyaan noloshooda ugu quruxda badan - Ha is barbardhigin noloshaada dhabta ah iyo waxa aad ku aragto social media. 

Ka fiirso waxa aad daawanayso - Haddii content-ku uu kuu keenayo walwal, niyad-jab, ama dareen xun, iska dhaaf. 

 Xiriir dhab ah la samee dadka - Isku day in aad waqti badan la qaadato dadka dhabta ah halkii aad ku mashquuli lahayd xiriir internet. 

 

Ha isku qiimeynin likes iyo comments - Qiimahaaga qofnimo kuma xirna inta qof ee ku taageera ama kudaawata.

                                                       DHAMAAD.......

>Mudan&Marwo commentiga aragtidaada nagulawadaag mahadsanid👏<

Qoraa Abdifatah jangeli.