Xeelado cilmi nafsi/ waa maxay cimi nafsi

Waa Maxay Cilmu-nafsigu (Psychology)?

Cilmu-nafsigu waa cilmiga daraaseeya maskaxda, dareenka, iyo habdhaqanka aadamiga. Waa barashada sida dadku u fikiraan, u dareemaan, uguna falgalaan xaaladaha kala duwan ee nolosha. Waxa uu sidoo kale caawiyaa fahamka bulshada, is dhexgalka, iyo sida qofku u kobcin karo naftiisa si uu ula tacaalo dhibaatooyinka nololeed.

Haddii aan si kooban u sheegno, cilmu-nafsigu waa barashada sida maskaxdu u shaqeyso iyo sababta ka dambeysa dhaqanka ama ficillada qofka.

Xeelado Cilmi-nafsi oo Lagula Dhaqmo Dadka

🚫  Ka Fogoow Ballanqaadyo iyo Abaalmarino Hore:

Haddii aad rabto inuu qof kuu qabto shaqo si kalsooni leh isagoon ka cabsanayn ama caajisin, ha ballanqaadin abaalmarin hore. Dadka markay filayaan wax abaalmarin ah, waxay lumin karaan xiisaha shaqada. Dhiirrigelin la’aan waxay hoos u dhigtaa tayada iyo dadaalka shaqadaas.

🚫 Ka Fogoow Cadaadis Go'aan Degdeg ah:

Haddii qof kugu qasbo inaad si degdeg ah go'aan u gaadho, waxaa laga yaabaa inuu isku dayayo inuu kugu maamulo. Jawaabta ugu wanaagsan waa inaad si xushmad leh ugu sheegto inaad u baahan tahay waqti.

Ka Hor Sheekayntaada, Weydii Su’aalo:

Marka aad qof la hadlaysid, ugu yaraan weydii laba su’aalood ka hor inta aadan bilaabin sheekadaada. Tani waxay muujinaysaa inaad dhagaysanaysay oo aad xiisaynaysay, taas oo qofka ka dhigaysa mid dareema muhiimad.

Eeg Indhaha Qofka Marka Aad Kala Shakisan Tahay:

Haddii aad dareento in qof isku dayayo inuu kugu saameeyo ama been kuu sheego, si toos ah u fiiri indhihiisa – gaar ahaan sujuudda. Tani waxay ku adkaynaysaa inuu been sheego.

Isku Laab Gacmaha Marka Aad Dood Sugayso:

Haddii aad rabto inaad fahanto in qofka aad la hadlayso uu danaynayo waxa aad sheegaysid, la soco hadalkiisa iyo jidhkiisa. Isku laab gacmahaaga, haddii uu isna sidaas sameeyo, waxaa suurtagal ah inuu fahmay sheekadaada.

Akhrinta Buug Muujinaysa Xirfad:

Inta aadan waraysi shaqo galin, akhri buug wanaagsan oo meel furan kula jiro. Tani waxay muujinaysaa inaad tahay qof karti leh oo waqtigiisa si fiican u maareeya.

Muraayad Isticmaal Markaad La Kulmayso Macaamiil Cadho Badan:

Haddii aad la kulmayso macaamiil xanaaqsan, muraayad dhig meel agtaada ah. Marka ay is arkaan waxay dareemaan xishood waxayna yareeyaan xanaaqooda.

Isticmaal Erayga "Sababtoo Ah":

Marka aad qof wax ka codsanayso, ku dar sabab. Dadku waxay si fudud u aqbalaan codsi leh sabab la taaban karo.

Indho-kala-eeg (Triangle Technique):

Si aad qofka u tusto inaad si dhab ah u dhagaysanayso, eeg isha midig, ka dib midda bidix, ugu dambayn afkiisa. Habkani wuxuu abuurayaa xiriir qoto dheer oo kalsooni leh.

Cab Biyo Marka Aad Khalad Ka Gaarto Hadalka Dadweynaha:

Haddii aad ilowdo wax aad dooneysay inaad ka sheegto meel dadweyne ah, cab biyo si aad u hesho waqti aad isku diyaariso. Qofna ma dareemi doono inaad khalday.

Ka Jawaab Deggan Marka Lagu Qaylinayo:

Marka qof kuu qaylinayo, iska dhig inaad deggan tahay. Tani waxay keeni kartaa inuu qofku is xishoodo ama fahmo inuusan wax micno leh samayn.

Psychology iyo Dabeecadda Dadka – Qodobo Muhiim ah

Muran farriin qoraaleed lagu dheereeyo wuxuu si xun u saameeyaa xiriirka dadka is jecel.

Markay dadku kuu sheegaan inaad is beddeshay, waxaa laga yaabaa inaad joojisay wax ay jeclaaayeen inaad sameyso.

Dadka qaar waxay lacag ku bixiyaan wax aan noloshooda qiimo ku soo kordhin.

Qofka mashquulsan wuxuu mararka qaar si sahlan kuu oggolaadaa codsiyo, maadaama uusan si qoto dheer uga fakarin.

Markaad wacdo qof aad si khalad ah u wacday, telefoonku mar walba wuu shaqeeyaa; markaad si sax ah u wacdid, waa mashquul – xiise badan ayaa laga dheehan karaa.

Gabagabo:

Cilmu-nafsigu waa aalad muhiim ah oo aad ku fahmi karto naftaada iyo dadka kugu xeeran. Haddii aad barato xeeladaha maskaxda iyo dabeecadda, waxaad noqon kartaa qof leh xirfad bulsheed oo sareysa, isla markaana gaara guulo nololeed oo muuqda. Maalin walba waxaad la kulmaysaa dad kala duwan – fahamka cilmu-nafsiga ayaa kaa caawinaya inaad si xikmad leh ula dhaqanto.

                                            DHAMAAD....