Qisada Nabi Huud (CS): Farriintii Hanuunka ee Qoomkii Caad

✅Qisada Nabi Huud (CS): Farriintii Hanuunka ee Qoomkii Caad:

Nabi Huud (CS) wuxuu ka mid yahay nebiyadii Eebbe uu doortay si ay dadka ugu yeeraan xaqa iyo cibaadada Alle kaliya. Wuxuu loo diray qoomkii Caad, kuwaasoo ahaa dad xoog badan, muuqaal ahaan wayn, isla markaana dunida ka samaystay dhismooyin cajiib ah. Noloshooda oo ahayd mid raaxo leh ayaa waxay ku ilowday mahadnaqa Eebbe, waxayna bilaabeen inay caabudaan sanamyo ay iyagu farsameeyeen.

Nabi Huud (CS) wuxuu si xigmad leh ugu nasteexayn jiray qoomkiisa, wuxuuna ku lahaa: "Ilaaha kaliya caabuda, Isaga unbaa xaq leh in la caabudo." Wuxuu u sheegay in xooggooda iyo hantidoodu aysan badbaadin karin haddii ay Eebbe ka weecdaan. Balse waxay uga jawaabeen jeesjees, waxayna ku yiraahdeen: “Ma naga weecin kartaa waxaad aaminsantahay, adigoo naga mid ah?”

Inkasta oo Nabi Huud (CS) si sabir leh ugu celceliyay farriintiisa, haddana qoomkii Caad way iska diideen xaqa, waxayna sii wadeen kibir iyo takoor. Ugu dambeyn, Alle wuxuu ku ciqaabay dabaylo xoog leh oo socday maalmo iyo habeenno badan, taasoo baabi’isay wixii ay dhiseen iyo jiritaankoodii.

Sheekada Nabi Huud (CS) waxay inoo muujinaysaa muhiimadda ay leedahay ku-dhaqanka xaqa, adkeysiga, iyo go'naanta in la gudbiyo fariinta Alle xitaa marka laga helo diidmo iyo cadaadis bulshada dhexdeeda ah. Waxa kale oo ay na xasuusineysaa in xoog iyo xoolo midna aysan wax tarayn haddii aan la haysan toosnaanta iyo rumaysadka saxda ah.

                                           DHAMAAD...

Abdifatah jangeli✍